ಹಾಸನದ ಸಂಸದ ಪ್ರಜ್ವಲ್ ದು ಎನ್ನಲಾದ ಲೈಂಗಿಕ ಕೃತ್ಯಗಳ ಹಾಗೂ ಅವುಗಳನ್ನು ತಾನೇ ವಿಡಿಯೋ ಮಾಡಿಕೊಂಡಿರುವುದು ಹೇಗಿದೆ ಎಂದರೆ- ಯುದ್ಧದಲ್ಲಿ ಗೆದ್ದ ಸೇನಾಧಿಪತಿಯೊಬ್ಬ ರಣೋನ್ಮಾದದಲ್ಲಿ ತನ್ನ ಬಂದೂಕು, ಬಲಿಷ್ಠತೆಗಳಿಂದ ಹೆಣ್ಣುಗಳ ಮೇಲೆ ಎರಗಿದಂತಿದೆ. ಇಂದು ನಮ್ಮ ಪೊಲೀಸ್/ನ್ಯಾಯಾಂಗ ವ್ಯವಸ್ಥೆ ಹಾಗೂ ನಮ್ಮ ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳಿಗೆ ಅಗ್ನಿಪರೀಕ್ಷೆ ಎದುರಾಗಿದೆ. ಇವು ತ್ವರಿತವಾಗಿ, ನಿಷ್ಪಕ್ಷಪಾತವಾಗಿ ತನಿಖೆ ನಡೆಸಿ ತಮ್ಮ ಮರ್ಯಾದೆ ಕಾಪಾಡಿಕೊಳ್ಳಬೇಕಾಗಿದೆ.