ಬಾಬಾ ಆಲಿಂಗನದ ಹಿನ್ನೆಲೆ-ಚಂದ್ರಶೇಖರ ಅತ್ತಿಬೆಲೆ

[ದೇಮ ಅವರು ಕೋಲಾರದ ಆದಿಮಕ್ಕೆ ಹೋದಾಗ ಕೋಟಗಾನಹಳ್ಳಿ ರಾಮಯ್ಯನವರು, ತಮ್ಮ ಗುರುವೆಂದು ತೋರಿದ ಈ ಬಾಬಾರನ್ನು ಅಪ್ಪಿಕೊಂಡ ಸಂದರ್ಭವನ್ನು ಸಂಕ್ಷಿಪ್ತವಾಗಿ  ವಿವರಿಸಿರುವುದು, ಫೋಟೋವನ್ನೂ ಕೂಡ ತೆಗೆದಿರುವ ಚಂದ್ರಶೇಖರ ಅತ್ತಿಬೆಲೆ ಅವರು. ಈ ಪೋಸ್ಟ್ ಅವರ ಮುಖಪುಸ್ತಕ ಕೃಪೆಯಾಗಿದೆ.]

ದೇಮರಿಗೆ ಪದ್ಮಶ್ರೀ ಪ್ರಶಸ್ತಿ ಬಂದು ಮೂರು ಅಥವಾ ನಾಲ್ಕು ದಿನ ಆಗಿತ್ತು. ಆದಿಮ ಪೂರ್ತಿ ಸುತ್ತಾಡಿದರು. ರಾಮಯ್ಯರವರು ದೇವನೂರುರವರು ಬಂಡೆಗಳ ಕೆಳಗೆ ಕೂತು ಸುದೀರ್ಘ ಒಂದು ಗಂಟೆಗಳ ಕಾಲ ಮಾತನಾಡಿದರು. ಅವರ ಮಾತುಗಳನ್ನು ಕೇಳುತ್ತಾ ಶಾಲೆಯಲ್ಲಿ ಮಕ್ಕಳು ಕುಳಿತಂತೆ ಕೂತಿದ್ದೆವು. ನಂತರ ದೇಮರನ್ನು, ದರ್ಗಾ ಮುಂಭಾಗದಲ್ಲಿರುವ ಮನೆಗೆ ಹೋಗಬೇಕು ನೀನು ಅಲ್ಲಿಗೆ ಬರಲೇಬೇಕು ಎಂದರು ರಾಮಯ್ಯರವರು. ಕಾರು ಹತ್ತಲು ಸಿದ್ಧರಾದರು. ನಾವು ಓಡಿ ಹೋಗಿ ದರ್ಗಾದ ಮುಂದೆ ನಿಂತಿದ್ದೆವು. ಅಲ್ಲಿ ಕಾರು ಇಳಿದು ಬರುತ್ತಿದ್ದಂತೆ ರಾಮಯ್ಯರವರು ದರ್ಗಾದಲ್ಲಿರುವ ಬಾಬಾರನ್ನು ತೋರಿಸಿ ಇವ್ರು ನಮ್ಮ ಅಜ್ಜ ಅಂದರು. ಅವರು ದೇವನೂರುರವರ ಕೈನ್ನು ತಮ್ಮ ಎರಡು ಕೈಗಳಲ್ಲಿ ಹಿಡಿದು ಕಣ್ಮುಚ್ಚಿ ಬಳಿಕ ಕೈ ಎತ್ತಿ ಮುಗಿದರು. ಬಳಿಕ ಇನ್ನೊಂದಿಷ್ಟು ಜನ ಬಾಬಾರವರಿಗೆ ಕೈ ಕೊಟ್ಟರು. ಹೊರಡಬೇಕಾದರೆ ಬಾಬಾರವರು ಎದ್ದು ಬಂದು ದೇವನೂರುರವರನ್ನು ತಬ್ಬಿಕೊಂಡರು. ದೇವನೂರುರವರು ಕಣ್ಣು ಮುಚ್ಚಿ ಆಲಂಗಿಸಿಕೊಂಡರು.